吸飲臺式飲品專門店 旺角

吸飲臺式飲品專門店 評價 相片

總之....我大大話話都支持左佢地起碼成年,明知佢有時好飲,有時唔好飲都去幫襯,我都只係有諗過放棄佢地,但係今次真係好失望,離哂大譜,竟然咁樣對待一個熟客,我同佢地嘈又多餘兼嘥氣,不過我都好有禮咁,冇即場取消order兼發火走人!我飲埋呢次,以後都唔會再幫襯佢地!!!!佢地哄你買個時就好殷勤好熱誠,有事個時就唔當你係客!!不過都公道d講句啦,一試無妨既,不過撞岩佢個日沖得好飲,都唔好期望下次去都係咁上下味,因為真係可以差好遠!有料送,如果佢冇問,真係要提佢,如果佢唔記得,到沖完比你拎走都唔會有人提你!就算你事後加返都麻煩!仲有,如果係以下講既女職員收銀,要小心找錢,佢成日拎住你d錢係度講野唔找錢,終於我真係唔記得找錢!!自從試過佢地既朱古力雪沫就愛上左,幾乎每個weekend出開mk都特登行過信和幫襯,仲join左佢地個"VIP",但係呢個VIP係廢的,話說我張card開左冇耐,佢就成日派傳單減兩蚊之類咁,攪到我用唔到張card之餘,仲成日都勁多人,等成半個鐘先有,地方又逼又冇位等!咁近排終於都冇優惠,可以用返我張card啦!好啦,1月23號黎幫襯既時候,見到張飛尾先望到原來有13x分,可以換野飲,咁諗住下次換啦,隔左個禮拜黎,諗住換,先話我張card 12月已經過左期,冇得用,我話我次次都黎,次次都有拎張card出黎,點解以家先同我講,跟住d職員就同個店長夾埋推個責任比我,又話店員唔會提,又問我上次邊個收錢,又問我上次係咪冇草到分,(但上次個票尾明明有show積分,唔通我特登留返張飛同佢嘈!?)跟住係咁強調再強調12月已經過期,以家幫我續返,之前過左期應該草唔到分架啦,d分唔可以比返你,我覺得我都叫做熟客仔呀,d分冇左都算啦,我又冇堅持要返d分,唔駛3個夾埋黎圍攻我話我唔岩呀!?令人覺得受辱我次次黎都係飲呢杯,d味時濃時淡,我都期待佢終有一日會穩定返落黎,因為佢d雪沫夠滑,我又中意飲朱古力,未搵到其他地方有,之前佢有優惠,個個禮拜都要等勁耐先有,高峰期起碼等成半粒鐘,我都差唔多個個禮拜黎等佢,佢雪沫送兩份料,有時佢比錯料或者比少左份料,我都費時返轉頭同佢計,有次個店員冇找錢,我仲係旺角都唔返轉頭同佢計,係個紮辮短頭髮既女性,成日落單都係度同其他店員講野!(我以為佢找左比我男朋友,我男朋友又以為佢找左比我,事後我地講起先發現係個店員掛住傾計冇找到)

之前都見過依間鋪派宣傳單張,其後上網SEARCH過見到覺得好似都OK喎,就決定去幫襯下我行到去就即刻有個女職員係出面向我介紹,而且仲俾左張COUPON我D職員都好NICE,仲好細心咁問顧客鐘意飲邊類野飲,(個時都已經見到另外櫃檯個職員向其他客推介緊野飲)本身我諗住就咁叫杯珍珠奶茶算啦,點知俾個STAFF講講下,想試下佢地既雪沬系列而且佢又做緊優惠減2蚊,同埋所有雪沬飲品都送珍珠同椰果,我就叫左杯哈密瓜雪沬其間見到其他客都係ORDER雪沬黎飲,有兩個仲話之前飲過朱古力雪沬今次再買所以我諗朱古力雪沬都應該唔錯既~~~等左唔係好耐就有得飲啦~佢D椰果係細粒D個種,每啖飲落去都飲到珍珠同椰果,珍珠又軟,口感好好~飲落好滑,唔太甜唔會令人覺得"流",而且哈密瓜味都幾重~~~好飲到令我有D驚訝不過,可惜在個度人流唔算好多,少D人會留意到依間小鋪諗住下次再試下其他味道既雪沬^^

珍珠奶茶店於旺角越開越多，不過其實變相可以分散下排隊既時間都幾好，唔駛好似以前係輕鬆飲買杯野飲都要 45 MINS，真係痴線~ 呢幾日天氣熱到癲，紫外線強度極高，聽到都驚，完全唔想曝露於陽光中~ 食完野返屋企途中就決定買杯野飲涼快下，記得信和有幾間台式飲品店，就闖左入去啦。

而家生意真係難做，係巷頭已經聽到D店員不停大叫買一送一，跟住對面個間又大叫特價等等，雙雙係度爭生意，真係為佢地感到辛苦，最後兩間中揀左呢間。

不過原來佢買一送一只限香芋奶茶，但由於家人唔好香芋，所以都係要返最基本既珍珠奶茶算啦。

眼見佢真係好人手製作，所以等都等左幾耐下，而且呢間都幾多人幫襯。

明明幾個NO,我都等左成十分鐘以上，幾經辛苦終於都有得飲啦。

一拎上手杯野飲好冰涼下，飲落去即刻透心涼，舒服哂~ 茶味比想像中濃郁，而且亦幾有奶香，非常唔錯。

沒有叫少甜，但一d都唔會覺得太甜，反而覺得剛剛好喎~ D珍珠都幾好食，煙靱度剛好，唔會太硬，而且食落有少少甜味，係少數我飲得哂既珍珠奶茶。

價錢$12 一杯，唔係特別平，不過幾好飲，會再有下次~~~ =)

是日在事前充滿期望的50嵐喝過一杯令人極度失望的珍珠奶水後, 心有不甘, 感覺好像沒有喝過珍珠奶茶似的, 於是便想起之前曾想一試的吸飲。

吸飲可算是本港「二次珍珠奶茶大戰」的元老級人馬, 和輕鬆飲﹑貢茶的首家分店開幕時間相若, 卻因為其地理位置所限和低調的作風, 令很多人根本留意不到這家品牌的存在。

而事實上, 當台茶品牌還未到達數之不盡的時候, 吸飲是「開茶」當時唯一還未試過的品牌, 原因很特別, 是因為找不到其店舖所在的緣故。

曾經因為在街上看到好幾位朋友拿著一個吸飲杯而很努力地尋找該店的位置, 卻未能成功, 直到 OpenRice 於去年十月出現首個茶評後, 才知道這家店子原來近在咫尺, 位於信和中心商場地下 一個「開茶」平日根本不會走進內逛的地方, 加上街上或其他媒介都沒有任何有關該店的廣告或宣傳, 相信除了是該商場(特別是地下樓層)的常客外, 根本不會知道這家店子的存在。

知道了該店地址後, 曾經試過到訪數次, 卻看見其比較簡單的門面和極少的人流而打了退堂鼓。

這次真的多得50嵐, 激發起「開茶」首次光顧吸飲這家隱蔽又低調的珍珠奶茶店。

如之前所說, 吸飲的門面比較簡單, 店舖內亦只有兩名典型信和類型的女生, 兩位女生都是推銷﹑收銀﹑調茶「一腳踢」, 運作較一般台茶店簡單。

首次光顧, 在沒有考慮太多的情況下, 選擇了珍珠奶茶來試一試這裡的基本功。

由於二人同行, 剛好這裡正在進行「購買第二杯半價」的優惠, 於是便額外點選了第二基本步 茉香珍珠。

基本價格為 $12, 第二杯半價後, 總數為 $18, 平均價為每杯 $9, 實在抵飲! (當然要好喝才可以這樣說啊!) 這裡的茶是手搖的, 兩位女生分別調製點選了的兩杯茶, 此起彼落, 手勢甚為熟練。

由於沒有其他客人的關係, 飲品很快便到手。

單憑兩杯飲品的賣相來看, 珍珠奶茶的茶色夠濃, 茉香珍珠的茶色夠白, 明顯地比50嵐那杯像灰水的珍珠奶茶對辦得多, 心情也即時好轉。

當然, 凡事不能單憑外表去看, 其味道才是正經事。

珍珠奶茶 味道和賣相一樣對辦, 茶味濃郁, 但沒有澀味的弊處; 要求了「去冰」, 雖然飲品到手後感覺甚為冰冷, 但茶味亦沒有給調製時所用的冰塊混至變淡; 同時要求了「少甜」, 甜度正合我意, 恰到好處; 珍珠方面, 則略嫌 Q 度不足, 相信和光顧時間接近打烊有關, 變成整杯飲品中最弱一環, 唯有留待日後驗証。

茉香珍珠 味道和賣相亦一樣對辦, 茉香味芬芳無比, 是本港其他台茶店少有做得好的; 亦要求了「去冰」和「少甜」, 和珍珠奶茶的效果相若; 珍珠方面, 當然亦是 Q 度有待改善。

喝過了吸飲的優質台式飲品後, 原先被50嵐弄壞的心情即時好轉起來, 更感受了一次「天堂與地獄」; 同一時間, 「開茶」卻替吸飲這家甚有質素的珍珠奶茶店不值, 就是因為地理環境所限, 令她嚴重跑輸大市, 和她同時間起步的貢茶和輕鬆飲的發展卻有天淵之別。

可喜的是, 最近在一些附近的街道上已開始看見吸飲的宣傳橫額和易拉架, 雖說遲了些, 但總算「遲到好過冇到」, 至少能夠吸引到一些途人的注意吧~ 吸飲的「購買第二杯半價」優惠直至 5 月 15 日為止, 絕對值得推介啊~

在我們賣小花的格仔店附近，有兩家台式飲料。

其位置人流其實不高，在信和地面的一層，很少人會走入賣錶的小巷吧。

不過，我在最近三、四個月也真的經常在此地出出入入。

今次心血來潮，入完貨後立即過對面的吸飲一試。

吸飲的款式也真多，喜歡嘗新的我也真的看得眼花撩亂，不知如何選擇。

最後在多款中選了我倆也喜歡的招牌香芋雪沬。

就在這時，有一陣很香的味湧出來，店方說好像是青蘋果茶，有機會試試。

大杯十六元，可以在椰果粒、芒果布甸、珍珠、紅豆粒等等選擇兩款，而我們就選了仙草凍和明列子，原因是好像未吃過。

點上小甜小冰，頭一段時間真的香芋味濃郁，不錯。

之後試試什麼是仙草凍，原來味道如涼粉，口感比較滑。

明列子到底又是什麼? 其實如果你有吃過松記的幻彩明珠，就像那些粒粒了，入口滑潺潺，中間的黑色像芝麻，咬又覺得太細粒，但總會牙癢癢要咬一咬。

飲到最後小半杯，香芋味少了，都是仙草凍，奈何我不太喜歡涼粉，下次加其他的。

我一定會經過這兒，會再來試試其他的。

您對於旺角餐廳「吸飲臺式飲品專門店」有何comment？

吸飲臺式飲品專門店餐廳詳細資料：

• 吸飲臺式飲品專門店地址:
  旺角彌敦道582-592號信和中心地下G20號舖
  吸飲臺式飲品專門店, G20, Sino Centre,582-592 Nathan Road, Mong Kok
• 吸飲臺式飲品專門店電話:  
• 吸飲臺式飲品專門店價錢: $50以下
• 分類: 台灣菜,台式飲品,外賣店,
• 座位: 未知
• 付款:
• FB專頁: 吸飲臺式飲品專門店 Facebook

更多吸飲臺式飲品專門店相關資料:

• 吸飲臺式飲品專門店分店
• Youtube
• Facebook
• Twitter
• Google