阿拉廚房 青衣

阿拉廚房 評價 相片

已經有一段短時間無幫襯過, 今日再次光臨晚上六點未夠就去到, 黃金時間未到當然唔使等位, 可以直入啦先叫茶, 要了香片 (茶錢 $5 位), 想飲特別啲, 可以叫五寶茶平時多數都係散叫主餐牌內的食品, 今日見到有個二人餐都幾啱心水, 一於唔散叫食套餐金裝二人套餐 $268(1) 花雕醉雞(2) 風鵝粉皮(3) 鮮魚羹(4) 黃金流沙蝦球(5) 砂鍋旺菜獅子頭(6) 上海小籠包(7) 高力豆沙因為唔太喜歡食高力豆沙, 所以加 $10 轉咗桂花紅豆糕先上小食, 花雕醉雞及風鵝粉皮都係冷吃小食, 味道可以.再上每人一小窩的鮮魚羹, 鮮魚肉份量充足.其後就係主菜黃金流沙蝦球及砂鍋旺菜獅子頭流沙蝦球超好味, 熱辣辣炒起加上香而不膩的咸旦王, 口感十分滿足, 但只嫌得五件, 份量比較少.獅子頭份量相對充足, 足足有三大件, 除了量, 質素都很好, 豬肉肉質軟滑且入味, 旺菜冬菇筍片都十分不錯.跟住係點心上海小籠包, 一籠四個, 皮薄有肉汁, 不錯.最後就係甜品桂花紅豆糕, 桂花糕跟紅豆糕的比例係1:2, 桂花糕中杞子太多, 食唔出桂花味道, 略嫌可惜.埋單連加一總共 $316.8價錢公道, 味道不錯, 阿拉廚房可算是青衣城內三甲食店

依日入左青衣城行街~順便食埋晚飯~見好耐無去過"阿拉廚房"ma另一半好想再去食下喎~不過話時話..真係都好耐無去啦起碼隔左成2年~原本下午仲諗住打去book定檯呢因為近過年會好多人做節ma~點知booking話full晒但可以walk in~反正我地都慣早食飯..所以咪早d去食囉6點多去到..其實人都唔多~所以仲有檯..而且又無限時制又無趕住快上菜快趕客~整體服務依然都好ok呢^^"鮮魚羹"魚肉好滑..個羹既濃稠度調得好好不過今次既..我覺得比之前鹹左少少..但整體都係算唔錯"蟹粉珊瑚蚌炒年糕"年糕口感好煙韌~但蟹粉個汁過於杰身杰得有d似漿糊既感覺..而味道亦不太討好食物唔夠熱~珊瑚蚌帶點腥感覺..而味道亦不太討好"鮮肉窩貼"水準依舊~窩貼煎得夠香口脆身..豬肉餡料亦唔羶唔鞋口甜品.."豆沙窩餅"原本想叫高力豆沙系列~不過一客有6球..食唔晒又唔想留囉所以揀豆沙窩餅~依個炸得好靚而且好金黃香脆窩餅好夠薄~豆沙餡份量適中..又唔會過甜整體食物..小菜比之前略為失了水準~其他整體都ok呢

4位女子黎左食上海菜。

等位等左勁耐，完全唔知等到幾時既感覺。

終於等左45分鐘，先有得入座。

茶：一黎到侍應A問我地要咩茶, 答左 “香片”, 由於壺茶仲未黎，侍應B又問, 侍應C再問, 最終黎左壺 “四寶茶”, 真係唔知想點。

第1道: 雞絲粉皮我地都真係未食過辣既雞絲粉皮，唔係幾OK，份量好少。

第2道: 小籠包個味ok, 但可能師傳驚好易一夾就穿, 所以個皮好厚。

第3道: 砂鍋雲吞雞 (半隻)清清地咁…無咩特別第4道: 酸辣湯麵份量多, 個味都幾適中, 唔會太辣同太酸第5道: 炒樋菜好大碟, 但好油~第6道: 蔥爆牛肉唔錯~個味啱啱好~牛肉唔 ”un”雖然都幾抵食, 之不過, 未吸引到我再黎, 因為食物一般, 仲要等咁耐位, 真係未必有下次。

20110925 龍少爺語文教室 (二) 上海話「阿拉事尚嘻燕」呢句上海話即係「我吔係上海人」咁解。

作為半個上海仔，也算是個懂一點上海話的「混血兒」，有些趣事及忌諱可同大家分享：1. 上海話「蘋果」與「病故」的讀音是一樣，所以去醫院探病千萬不要送蘋果（除非你想曲線咒佢 !）2. 上海人稱「傻仔」為「戇大」，讀音和「港督」一樣。

。

3. 上海話有些詞語聽起來是貶義，但實際意思是正面；例如「一塌糊塗」在上海話中是好壞通用，例如 :「你靚得一塌糊塗啊 !」其實係讚緊你，唔係踩你！4. 如果有人罵你「B 拆開」，即是罵你「十三點」咁解。

估唔到上海話都有潮語！「阿拉廚房」，印象中是否同早幾年食到人出事而消失的「阿拉麵館」有關？食物也不算「一塌糊塗」。

「風鵝粉皮」先上的冷盤。

起初以為是「麻醬雞絲粉皮」的變調，結果是另一回事。

風鵝無乜味，汁料是甜豉油加麻油；與粉皮伴點浙醋同吃，清清地也算不錯吃。

「山東手撕燒春雞」等了二十分鐘的手功菜。

半隻燒雞 (但有全個雞頭 ?!) 拆骨起肉，肉質嫩滑，雞皮焗後燴煮也很惹味，只是汁料略嫌甜了點。

山東燒雞還是尖沙咀的「鹿鳴春」好吃。

「小籠包」這個好吃，熱辣辣、皮薄多汁；若肉餡再滑一點就更理想。

要在港找好吃的小籠包，本少覺得「翡翠小籠包」非常不錯，它爆汁之餘連肉餡也是滑的，真係排隊排得有道理。

港版的「鼎泰豐」則完全唔掂啦。

「金牌生煎包」樓面阿姐推介的「鎮店招牌菜」，並溫馨提示吃時要「小心爆汁」，神色凝重。

唔講尤自可，講咗就令人有所期待；結果是希望愈大，失望愈大。

。

生煎包是熱，但不太覺爆汁，包底亦可以煎脆一些，阿姐真係唔講好過講。

要說好吃的生煎包，「王家沙」的「蟹粉生煎包」真的一絕。

講起又想再去了！「擔擔麵」湯底算濃辣，兼有很重花生的味道，還不錯；可惜麵條不夠爽口彈牙，與「詠藜園」相比，遜色了一截。

看來「阿拉廚房」應該改名做「二拉廚房」，皆因它的食物質素全屬「二奶」水準！整頓「上海二奶宴」，埋單 $298。

之前係青衣城既"翡x拉麵小籠包"食過上海菜，都唔差，但係要排隊等位，最好就訂定枱先好去....聽我朋友講，阿拉廚房都幾好，仲好過"翡x拉麵小籠包"喎，我就即管試下囉上左電梯之後就見到"翡x拉麵小籠包"好多人係出面，所以就知道我地係注定去阿拉廚房食既，大約6點半去到，冇乜人排隊...我地四人叫左清新素食二人套餐($218)+金裝二人套餐($268)+散叫:上海素菜包(5件)$40、四喜烤麩($4X)&陽春麵($20)清新素食二人套餐 蘭花豆腐干 : 份量少，一夾就會串連成一齊，好難食到....好"鞋"冇乜味 毛豆素雞 : 毛豆好味，不過得一粒(切半)，素雞其實唔係真係係超市買個D素雞，我覺得係豆腐乾，炸左，再燜，所以一咬佢裡面就會有汁滲出黎，不錯，但係都係個句...冇乜味... 南瓜素翅 : 之前我係'大x然素食"都食過，都係差唔多，冇南瓜味，但係有一絲絲南瓜D素翅太硬，要咬幾下先得..... 干巴菌爆炒四季豆 : 干巴菌係黑色個D，其實係冇乜味，但係都幾煙韌，而且食多幾片就會有少少HOT，都唔錯，四季豆就淋左D，冇乜野既，只係油左D 高湯什菌娃娃菜 : 好淡味，D菌算多，但係仲有個陣菌味娃娃菜稍微硬左些，由其事個莖部，個湯底淡如似水 上素蒸餃 : 個皮好特意，唔似出面既素餃咁硬，佢係薄得黎又煙韌，好似食緊粉果皮咁，但係裡面就一般，有菜、茹、雲耳&蛋絲，冇左菜既味，只有蛋味 桂花杞子紅荳糕 : 面頭係桂花杞子，我覺得都OK既，D杞子好多，一食就好似POP一聲，但係食唔出有杞子味，而且搶晒D桂花味，搞到好似食緊杞子糕咁 紅荳糕 : 咬一下就感覺到佢好沙，好似紅豆沙凝固版咁，仲有紅豆粒係裡面，都唔錯金裝二人套餐 雕皇醉雞 : 好既就係冇晒D骨，得番D雞肉比我地，容易D食，但係冇酒味 風鵝粉皮 : 風鵝就係一絲絲，紅色，冇乜味，粉皮就切得太細，好難夾到但佢都有好既，雖然個碗裡面見唔到醬汁，但係D醬汁其實拌勻晒....之後唔知點解佢可以令到D粉皮有(麻醬)味，利害 鮮魚羹 :我真係唔知佢個主食係魚定係芫荽個湯好重芫荽味，冇晒D魚既鮮味同瑪成個湯都係好清淡，要落左胡椒粉先有D味 黃金流沙蝦球 個樣都唔差既，我諗得5隻蝦到一上枱就好熱，都脆...外皮有麵包碎&鹼蛋黃，冇咩味道，都食到既.... 砂鍋旺菜獅子頭 我鍾意佢個醬汁，好濃既蠔油味，而且佢唔係好似汁咁液體....好似D醬咁，正，娃娃菜就切得太碎，但係都好味，裡面得兩個大獅子頭，唔係幾靚，炸得唔好，見到有豬肉碎，最好就緊係一個完整無缺既波啦，唔係幾掂 上海小籠包 : 好容易穿而且佢裡面既肉汁仲係一舊舊，成灘肉jelly係個籠裡面，好核突 高力豆沙 : 個賣相幾好，圓碌碌，但係味道就比其他店差左d四喜烤麩 : 個烤麩好硬，唔似得"湘x滬"咁軟綿綿，好似海綿咁，有多汁.....佢e個一黎硬，二黎就唔夠入味，其他配料都係一般上海素菜包(5件) : 個包皺左d，而且摺痕太小，唔合格，起碼都要10摺，我諗佢得6摺，個餡都一般，冇菜味，得油味，冇麻油既香湘x滬最好味陽春麵 : 麻麻地，麵條好長，但係冇蔥味，係"翡x拉麵小籠包"既陽春麵好好味(仲見到d青年人係到整麵，勁!!!)總體黎講，野食唔係幾好味，而且上枱個陣都唔係幾夠熱，除左個其金蝦之外....唔係幾值去e到食....

阿拉廚房餐單提供滬菜,(上海),中菜館等推介美食位於青衣區，餐廳座位數未知人均消費約$101-200，結賬可以用Visa,Master,現金,AE,JCB。

您對於青衣餐廳「阿拉廚房」有何comment？

阿拉廚房餐廳詳細資料：

• 阿拉廚房地址:
  青衣青敬路33號青衣城322號舖
  Shanghai Kitchen, Shop322, Maritime Square,33 Tsing King Road, Tsing Yi
• 阿拉廚房電話:  
• 阿拉廚房價錢: $101-200
• 分類: 滬菜,上海,中菜館,
• 座位: 未知
• 付款: Visa,Master,現金,AE,JCB
• FB專頁: 阿拉廚房 Facebook

更多阿拉廚房相關資料:

• 阿拉廚房分店
• Youtube
• Facebook
• Twitter
• Google

香港餐廳2023推介04月