紅蕉 西灣河

紅蕉 評價 相片

最近公司 change office, 去了太古坊, 好自然就會周圍揾野食! 同事住嘉享灣, 話西灣河有好多又平又好味嘅restaurant .上星期放工就帶咗我地去呢間紅蕉.第一感覺 好紅 !!! 同好細, 但原來入面有幾多位!!!未聽過用蕉焗意粉, 感覺幾新鮮決定試下! 甜甜地再加芝士真是幾得意!同事一坐低就叫咗個芝士garlic bread, 係勁香, 勁好味!有好多嘢飲名都唔知係乜但店員都ok, 會解釋. 生果凍凍都ok, 好多生果粒粒會再來試下其他古怪嘢!最重要係價錢ok . 3 個人都只係$250 好滿足

與舊同學吃飯，在網上看到這店的食評不錯，於是來此一試。

兩個人，叫了一個是日晚餐、一客焗意粉及一客小食。

周打海鮮湯(跟餐)：頗大碗，配料很足，但太稠，很糊口。

黑椒金菇牛柳飯($54)：牛柳很焾而且份量頗多，金菇OK。

配料有青椒和翠玉瓜，份量十分多他夠焾。

黑椒汁不會太鹹，香味足，但略稠。

蕉神(+$9)：這個特飲是柯華田加香蕉。

既有柯華田的朱古力味，也有蕉的香甜味，二者配合起來，很不錯啊！紅蕉飯焗($48 + $3轉意粉)：這個焗意粉的配料是鴨胸、香蕉、雜菌和茄汁。

香蕉和鴨胸排得很整齊，賣相漂亮。

鴨胸很焾，肥肉不多；香蕉香甜但太焾；雜菌份量多，味道OK；意粉爽焾適中；茄汁很多又香濃，很開胃，但略稠。

白酒忌廉炒雜菌($40)：主要是金菇、秀珍菇和蘑菇，份量非常多，味道OK。

汁料的味道不錯，但略稠，有點膩。

最後吃不完啊～埋單$154，價錢合理。

食物好味，但汁料全都太稠。

不過，用蕉製作成不同食品，還有一些特別的名字，很有心思。

地方比較細小，勝在可容納的顧客不多，環境不太嘈吵。

兩三個人聚餐談天，是十分好的地方。

某晚放早, 乘車經過西灣河太安樓, 忽然想去掃街當晚飯, 便跳下車, 走進那些「黑擝擝」的人行巷但其實幾十年前的商場都是這個樣子的。

後來又想找個地方正正經經吃飯, 想起了風評不錯的紅蕉, 應是全個場除了對著大街那幾家連鎖店, 還有三數家粉麵店之外, 唯一有正餐吃的地方。

一入店內, 醒目紅牆上赫然出現一隻大蕉, 先聲奪人, 但是有點狹小的開放式廚房旁邊, 就只有三數張桌子。

雖然坐得有點逼夾, 並且店內瀰漫著一股油煙之氣, 但有雜誌看喎, 又不錯。

看看餐牌, 已夠讓人發噱, 勁搞 gag, 要喝東西嗎? 你要「口乾乾」、「勁口乾」還是「特別口乾」? 來件「頭文治」(三文治) 又如何?當然囉, 叫得做「紅蕉」會不會有用蕉做的食品呢? 答案是有的, 而且有很多種類, 連你想不到會有香蕉在的地方, 例如飯麵, 都可以加隻蕉! 佩服! 餐牌上有隻蕉的項目便是有香蕉的份兒了。

紅蕉飯焗 ($48) 押上店名, 應是招牌菜。

顧名思義, 是香蕉焗飯, 除了香蕉之外, 其實是炒飯底加茄汁和鴨胸片來焗。

即叫即焗熱辣辣, 等的時候來另一杯也是有香蕉的士多啤梨香蕉乳酸凍凍 ($21)。

材料就是士多啤梨 + 香蕉 + 益力多 打成的Smoothie, 面上還飾以士多啤梨粒, 粉紅的色調加上酸酸甜甜的清新口味, 很難有讓女生不愛的道理 至少我幾喜歡啦。

但是, 又香蕉又奶的組合, 並且很大杯 (能有連鎖店 Tall size 或以上的 Smoothie 份量) 實在是幾飽的, 到大大碟焗飯來到的時候, 才知後悔, 怕吃不完 。

而且香蕉焗過之後變得香甜又 creamy, 跟同樣香滑的芝士產生了奇妙的化學作用! 虧店主想得到這個好點子! (其實芝士焗香蕉這東西可以變化一下, 當成甜品賣也可以 ) 帶酸的飯和茄汁底令整個飯沒有那麼甜膩, 鴨胸的份量也不少, 當然焗了後就有點乾身啦。

味道也真的幾好, 可能我又很餓, 不知不覺也將之消滅掉了。

走的時候才發現原來地庫還有座位的, 不過高人走下樓梯的時候, 要小心注意碰頭。

係openrice 見到好評, 行過打算試下不過佢個餐牌真係好難明, 好多怪名... 唔理喇, 入左去先門面: 鋪入面有2 張小檯, 有個吧檯...仲有個"小山洞" 落完樓梯就別有洞天, 有2張4人檯, 2張2人檯牆身真係好紅, 但都開始變殘舊喇服務: 個姐姐好有禮貌, 經常提醒客人小心頂頭不過出菜有d慢衛生: 太安樓好難好清潔乾淨入正題, 叫左一個set dinner A ( 白汁海鮮元貝意粉+周打蜆湯+凍飲), 芝士蒜蓉包 同焗蕉蕉芝士豬排飯芝士佈滿成塊包, 蒜味都夠, 略嫌芝士唔夠creamy 個湯好香濃, 好夠料, 同出面的餐湯唔同, 因為佢好"杰" ~好味普通材料, 汁都係普通, 不過味道ok的, 唔特別我期待左好多, 個汁同意粉個白汁一樣, 無咩特別, 料多, 好多菇同豬排條條, 面頭個焗蕉真係好特別, 同個飯好夾** 小貼士: 除了有蕉的飯/意粉, 其他都是普通野 **

是夜點了芒果火腿沙律, 像幼稚園學生一齊正沙律的感覺, 散修修, 可能有老師帶住, 無佢地咁難食。

還叫了晚餐B, 從未食過如此難食的螺絲粉~! 蝦, 急凍的完全無味, 只有三只, 茄汁, 不如你比支地門茄汁我自己撈無咁嬲。

最離譜係個周打蜆湯, 金寶湯, 有無搞錯?!一坐低, 有位男職員介紹我地要芝士garlic bread, 誠意難卻, 要我地叫兩塊, 食咗一啖, 真係唔可以再食, 佢啲牛油係剛好直逹面包底部,只有咸, 同埋好討厭既發水面包~!下次..無下次了，我七點十分落ORDER, 個螺絲粉夠膽七點四十五分先放係我枱面。

您對於西灣河餐廳「紅蕉」有何comment？

紅蕉餐廳詳細資料：

• 紅蕉地址:
  西灣河筲箕灣道57-87號太安樓地下A31號舖
  Red Banana,  
• 紅蕉電話:  
• 紅蕉價錢: $51-100
• 分類: 西式,西餐廳,
• 座位: 20
• 付款: 現金
• FB專頁: 紅蕉 Facebook

更多紅蕉相關資料:

• 紅蕉分店
• Youtube
• Facebook
• Twitter
• Google